நன்றி மறவாத முதல்வர் கலைஞர்

நடக்க இருக்கும் மாநிலங்களவை தேர்தலுக்கான திமுக வேட்பாளர்கள் அறிவிக்கப்பட்டுள்ளனர்.

திமுகவின் உயர்நிலை செயல்திட்டக்குழு இன்று மாலை அண்ணா அறிவாலயம் முரசொலி வளாகத்தல் உள்ள கூட்ட அரங்கில் திமுக தலைவர் கருணாநிதி தலைமையில் கூடியது.

இந்தக் கூட்டத்தில் திமுக சார்பில் கே.பி. ராமலிங்கம், டி.எம்.செல்வகணபதி, சங்கரன் கோவில் தங்கவேல் ஆகியோர் மாநிலங்களவைத் தேர்தலில் போட்டியிடுவார்கள் என்று திமுக தலைவர் கருணாநிதி அறிவித்தார்.

இந்த அறிவிப்பின் மூலம் தன்னை நம்பிவருபவர்களை முதல்வர் கலைஞர் கைவிடமாட்டார் என்பது மீண்டும் ஒருமுறை டி.எம். செல்வ கணபதியை தேர்வு செய்ததின் மூலம் நிருபணம்ஆகியுள்ளது. குறிப்பாக மாற்று கட்சியில் இருந்து திமுக-வில் இணையும் தொண்டர்களை ஒருநாளும் கலைஞர் கைவிடமாட்டார் என்பதை முன்னைய காலத்தில் இருந்தே நாம் அறியலாம்.

கலைஞரின் மலரும் நினைவுகள்

எம்.ஜி.ஆர். கழக தலைவர் ஆர்.எம்.வீரப்பன் மகன் தங்கராஜ்-தாரிணி திருமணம் சென்னை எழும்பூர் ராஜாமுத்தையா மண்டபத்தில் நடந்தது. திருமணத்தை முதல்- அமைச்சர் கருணாநிதி நடத்தி வைத்தார். அமைச்சர் அன்பழகன் தலைமை தாங்கினார். துணை முதல் -அமைச்சர் மு.க.ஸ்டாலின் முன்னிலை வகித்தார்.

விழாவில் முதல்-அமைச்சர் கருணாநிதி பேசியதாவது:-

சீரோடும், சிறப்போடும் இன்று இங்கே நடைபெறுகின்ற இந்த மணவிழா நிகழ்ச்சியில் கலந்து கொண்டு மணமக்கள் தங்கராஜ்-தாரணி ஆகியோர் நெடிது வாழ்ந்து, நிறை வாழ்வையேற்று எல்லாம் வல்ல இறைவன் என்று சொல்ல மாட்டேன் - இயற்கை அருளால் வளம் பல பெற்று - நலமுற எய்தி வாழ வேண்டுமென்று வாழ்த்துகிறேன். அருளாளர் என்று அனைவராலும் அழைக்கப்படுகின்ற அருமைச் சகோதரர் ஆர்.எம்.வீ. இல்லத்தில் நடைபெறுகின்ற இந்த மணவிழா - நம்முடைய இல்லத்தில் நடைபெறுகின்ற ஒரு நிகழ்ச்சி என்கின்ற உணர்வோடுதான், நாமெல்லாம் இங்கே கலந்து கொண்டிருக்கிறோம்.

எம்.ஜி.ஆர். அவருக்கும், எனக்கும் உள்ள தொடர்பு நீண்டகாலத் தொடர்பு. சுருக்கமாகச் செல்ல வேண்டுமேயானால், மறைந்தும், மறையாத என்னுடைய ஆருயிர் நண்பர் எம்.ஜி.ஆரின் அணுக்கத் தொண்டர்களிலே ஒருவராக - அன்பு நண்பர்களிலே ஒருவராக - அவசியப்பட்ட ஆலோசகர்களிலே ஒருவராக விளங்கியவர் நம்முடைய ஆர்.எம்.வீ. ஆவார்கள். அவர்கள் என்னோடு கொண்டிருந்த நட்பை - இன்றுவரையிலே என்னிடத்திலே அவர் கொண்டிருக்கின்ற அன்பைப்போற்றிப் புகழ்ந்து வாழ்த்தியவர்கள் எல்லாம் பாராட்டியிருக்கின்றார்கள்.

1945-ல் குடியரசு அலுவலகத்தில் நான் தந்தைப்பெரியார் அவர்களிடத்திலே குடியரசு பத்திரிகையினுடைய துணை ஆசிரியராகப் பொறுப்பேற்று, பணியாற்றச் சென்ற அந்தக் காலந்தொட்டு, எனக்கும், ஆர்.எம்.வீ.க்கும் நெருக்கமான நட்பு - அரும்பி, மலர்ந்து, இன்றைக்கு மணம் வீசுகின்ற வகையில் - மண விழாவினை நான் நடத்தி வைக்கவும், அவர் வரவேற்கவுமான சூழல் உருவாகியிருக்கின்றது.

கலைஞருக்கும், ஆர்.எம்.வீ-க்கும் என்றைக்குமே பிணக்கு ஏற்பட்டதில்லை என்று இங்கே சொன்னார்கள். நம்முடைய திருமாவளவன் அவர்கள் பேசும்போது, கலைஞரும், ஆர்.எம்.வீ. எதிர்ப்பது என்றாலும் அதில் உறுதியாக இருப்பார்கள்; நட்பு பாராட்டுவது என்றாலும், அதிலும் உறுதியாக இருப்பார்கள் என்று சொன்னார். அதிலே ஒரு ரகசியம் ஒளிந்து கொண்டிருக்கிறது. அவர் என்னை எதிர்ப்பதாகக் காட்டிக் கொண்ட அந்தக் காலத்திலேகூட, என்னிடத்திலே கள்ளக்காதல் கொண்டவர்.

திராவிட முன்னேற்றக் கழகத்திற்கும், எம்.ஜி.ஆர். தலைமையிலே இயங்கிய அ.தி.மு.க.விற்கும் இடையில் சில பிரச்சினைகள் தோன்றும்போதெல்லாம், ஆர்.எம்.வீ. எனக்கு ஒரு இரகசியக் கடிதம் வரும். இன்னும் சொல்லப்போனால், எங்களிடையே ஒரு பிரிவு ஏற்படக்கூடிய ஒரு சூழல் - 1971 ஆம் ஆண்டில் ஏற்பட்டபோது, என்னுடைய இல்லத்திற்கு வந்து ஒரு மணி நேரத்திற்கும் மேலாக - அந்தச் சூழ்நிலை உருவாகக்கூடாது ; நீங்கள் இருவரும் பிரிந்து இயங்கக்கூடாது; ஒன்றாக இருந்து தான் இயங்க வேண்டும் - பிரிக்கின்றவர்கள் சில பேர் யார் என்பது எங்களுக்குத் தெரியும். ஆகவே, நீங்கள் ஒன்றுபட்டு, தமிழகத்திற்காகப் பணியாற்றுங்கள் என்று கண்ணீர் கலந்து தன்னுடைய கவலையைத் தெரிவித்தவர்களிலே மிக முக்கியமானவர் என்னுடைய அன்பிற்குரிய ஆர்.எம்.வீ. என்று சொன்னால், இது வரலாற்றுப் புத்தகத்திலே பதிய வைக்கவேண்டிய ஒரு பேருண்மையாகும்.

பல நேரங்களில் எம்.ஜி.ஆர்., எனக்கும் அல்லது திராவிட முன்னேற்றக் கழகத்திற்கும் இடையிலே பிணக்கு விளைந்த போதெல்லாம், அதை சரிசெய்யப் பாடுபட்டவர் நம்முடைய ஆர்.எம்.வீ. அவர்கள் என்று சொன்னால், அது மிகையாகாது. ஏன் அவருக்கு அந்தக் கவலை இருந்தது என்றால், நான் குறிப்பிட்டேனே 1945 ஆண்டு - அந்த 1945 ஆம் ஆண்டிலே நாங்கள் இருவரும், இணைந்திருந்து உழைத்த இடம், எங்களுடைய ஆரம்பப் பள்ளிக் கூடம் தொடங்கிய இடம் ஈரோடு. அந்த ஈரோடு - தந்தைப் பெரியாருடைய குருகுலம் - அது உருவாவதற்குக் காரணம், அங்கிருந்து கிளம்பிய உணர்வுகள், நாடெங்கும் பரவியதற்குக் காரணம், திராவிட இயக்கத்தைச் செழிப்படையச் செய்ய வேண்டும்; வலுவடையச் செய்யவேண்டும் - அப்போது தான் திராவிட மக்களுக்கு உண்மையான விடுதலை - உண்மையான சுதந்திரம் கிடைக்கும் - பகுத்தறிவு பெறவேண்டும் மக்கள் - அவர்கள் யாருக்கும் அடிமைகளாக வாழக் கூடாது; சுதந்திரத்தோடு, சுயமரியாதையோடு வாழவேண்டுமென்ற அந்த உணர்வை ஊட்டிய இடம் - எங்களுக்கு ஈரோடு குடியரசு அலுவலகம் என்ற காரணத்தால், அந்தத் தாய்ப்பாலை அருந்திய எங்களுக்கு எவ்வளவுதான் அரசியலிலே மாறுபாடு கள், வேறுபாடுகள் ஏற்பட்டாலும் கூட, அந்த அடிப்படை உணர்விலேயிருந்து பதவிகளுக்காக எங்களை நாங்கள் என்றைக்கும் மாற்றிக் கொண்டதில்லை.

இங்கே தம்பி திருநாவுக்கரசு அவர்கள்கூட, ஆர்.எம்.வீக்கு பதவி கொடுங்கள் என்று சொன்னார். பதவிகளைப்பல பேருக்குக் கொடுக்கின்ற இடத்திலே இருந்தவர் ஆர்.எம்.வீ. அவருக்கு நான் பதவி கொடுப்பது என்பது, ஏதோ தட்டிக் கழிப்பதற்காகச் சொல்லுகின்ற வாசகம் அல்ல; அவர் பதவிகளைப் பகிர்ந்து எடுத்துக் கொள்ள வேண்டியவரே தவிர, கேட்டுப் பெற்றுக் கொள்ள வேண்டியவர் அல்ல.

அந்தளவிற்கு இந்த இயக்கத்தினுடைய ஆணி வேராக, அடிவேராக இந்த இயக்கத்தை வளர்க்கின்ற வலுவான விழுதுகளிலே ஒருவராக அன்றைக்கும் இருந்தார் - இன்றைக்கும் இருப்பவர் நம்முடைய அருமைச் சகோதரர் ஆர்.எம்.வீ. என்பதை நான் என்றைக்கும் மறக்க மாட்டேன். அவர் அதை மறக்காமல் இருக்கிறார் என்பதற்கு அடையாளம் தான் இந்த மணவிழாவிற்கு நானே வர வேண்டும், நானே திருமணத்தை நடத்தி வைத்து மணமக்களை வாடிநத்த வேண்டும் என்று மிகுந்த உறுதியோடு என்னிடத்திலே சொன்னார். நான் கூடச் சொன்னேன் -நாள் முழுவதும் அளப்பரிய பணிகள், அதற்கிடையே கோவைக்கு மாநாட்டுப் பணிகளைப்பற்றி ஆய்வு செய்யச் செல்கிறோம், அங்கிருந்து உதகமண்டலம் சென்று ஓரிரு நாட்கள் ஓய்வு பெறலாமே என்று எண்ணினேன். ஆனால் சென்ற எனக்கு இந்த நினைவு வந்தது. நினைவு சாட்டையாக விழுந்தது. ஆர்.எம்.வீ. இல்லத் திருமணத் திற்குச் செல்லாமல் ஓய்வு ஒரு கேடா உனக்கு என்று எனக்கு நானே கேட்டுக் கொண்டு, இங்கே வந்திருக்கிறேன் என்றால் அது நட்பின் ஆழத்தை, நட்பின் உயர்வை உணர்த்தக் கூடிய ஒன்று என்பதை உங்களுக்கெல்லாம் எடுத்துச் சொல்லி, அத்தகைய ஒரு உத்தம நண்பர் என்றைக்கும் இந்த இயக்கத்தினுடைய தூணாக விளங்கிக் கொண்டி ருப்பவர், திராவிட இயக்கத்தினுடைய தோன்றல் - திராவிட இயக்கத்தின் வளர்ச்சிக்கு விழுதாக இருந்து, பாதுகாத்துக் கொண்டிருப்பவர் - அப்படிப்பட்ட அருமைச் சகோதரர் இல்லத்தில் நடைபெற்றுள்ள இந்த மண விழாவில் உங்கள் அனைவருடைய வாழ்த் துக்களையும் எருவாக்கி - இந்த மண மக்கள் தழைத்து வாழ்த்துவார்கள், செழித்து வாழ்வார்கள் என்ற வாழ்த்தினை உங்களோடு இணைந்து நானும் வழங்கி விடைபெற்றுக் கொள்கிறேன்.

இவ்வாறு முதல்- அமைச்சர் கருணாநிதி பேசினார்.

ஆட்டம் காணும் அ.தி.மு.க. கூடாரம்

அ.தி.மு.க. வை பொறுத்தவரை உண்மையான விசுவாசிகளுக்கும், எம்.ஜி.ஆர்.ன் உண்மையான தொண்டர்களுக்கும் மரியாதை என்பது கானல் நீர்தான். மானமுள்ள எந்த அரசியல்வாதியும் அ.தி.மு.க. வில் இருக்க விரும்பமாட்டான் பொதுவாக பெரிய பொறுப்பில் இருக்கும் பெரிய பருப்புகள் மட்டுமே அ.தி.மு.க. வில் வாழமுடியும், மற்றவர்களின் காலை வாருவதிலே குறியாக இருப்பார்கள். முத்துசாமி போன்ற நல்ல அரசியல்வாதிகளால் அ.தி.மு.க. வில் அவமானகளை தாங்கிக்கொண்டு இருக்கமுடியாது என்பது என்போன்றவர்களுக்கு புரியும்.

அ.தி.மு.க. முன்னாள் அமைச்சர் முத்துசாமி தி.மு.க.வில் இணை கிறார் என்ற செய்தி மிக்க மகிழ்ச்சியானதாகும். எம்.ஜி.ஆர். ஆட்சி காலத்தில் போக்குவரத்து துறை அமைச்சராக நியமிக்கப்பட்டு சிறப்பாக செயல்பட்டவர் முத்துசாமி. பின்னர் 1991-96-ல் ஜெயலலிதா தலைமையில் நடந்த ஆட்சியில் சுகாதாரத்துறை அமைச்சராக இருந்தார்.

ஈரோடு மாவட்டத்தைச் சேர்ந்த முத்துசாமி, அந்த பகுதியில் செல்வாக்கு உள்ள பிரமுகர். அ.தி.மு.க. தொண்டர்களிடமும் இவருக்கு நல்ல மரியாதை உள்ளது. தற்போது அ.தி.மு.க. மாநில அமைப்புச்செயலாளராக இருந்து வருகிறார். ஈரோடு, நாமக்கல் மாவட்ட அ.தி.மு.க. பொறுப்பாளராகவும் உள்ளார்.

சமீப காலமாக முத்துசாமிக்கு அ.தி.மு.க.வில் முக்கியத்துவம் கொடுக்கப்படவில்லை என்று கூறப்படுகிறது. இதன் காரணமாக முத்துசாமியும், அவரது ஆதரவாளர்களும் கட்சி நடவடிக்கைகளில் இருந்து ஒதுங்கி இருந்தனர்.

இந்த நிலையில் முத்துசாமி அ.தி.மு.க.வில் இருந்து விலகி தி.மு.க.வில் சேர முடிவு செய்துள்ளார். அவரது ஆதரவாளர்களும் தி.மு.க. வில் சேருகிறார்கள்.

தி.மு.க.வில் சேருவது குறித்து முத்துசாமி இன்று மாலை தனது ஆதரவாளர்களுடன் ஆலோசனை நடத்துகிறார். பின்னர் தி.மு.க.வில் சேரும் முடிவை அறிவிக்கிறார்.

முன்னாள் எம்.பி. வி.கே. சின்னசாமி, ஈரோடு முன்னாள் எம்.எல்.ஏ. மாணிக்கம், ஈரோட்டைச் சேர்ந்த கவுன்சிலர்கள் மற்றும் அ.தி.மு.க. பிரமுகர்கள் தொண்டர்களுடன் தி.மு.க. வில் இணைகிறார்.

முதல்-அமைச்சர் கருணாநிதி முன்னிலையில் தி.மு.க.வில் முறைப்படி இணைய முத்துசாமி முடிவு செய்துள்ளார். இதற்கான ஏற்பாடுகள் நடந்து வருகின்றன.

ஜெயலலிதாவெல்லாம் திருந்த போவதில்லை.கட்சிக்கு சமாதி கட்டிவிட்டு கொடைநாட்டில் தூங்க போய்விடுவார்.

ஒருவேளை இது நடந்தாலும் நடக்கும் ..........


எல்லோரும் அ.தி.மு.க.வை விட்டு போனாலும் கவலை இல்லை..உனக்கு என்று மன்னர்குடி சொந்தங்கள் உண்டு..அவர்கள் மட்டுமே நமக்கு போதும்..சசிகலாவை அ.தி.மு.க. தலைவர் ஆக்கு...சசிகலா அக்கா பசங்கள ஒவ்வொரு மாவட்டத்திற்கும் தலைவர் ஆக்கு..சசிகலா அண்ணன் பசங்களை..செயற்குழு உறுப்பினர் ஆக்கு..சசிகலா ஒண்ணுவிட்ட அண்ணன் பசங்கள கட்சியில் ஒவ்வொரு பதவி கொடுங்கள்..சசிகலாவின் ரெண்டுவிட்ட அக்கா பசங்கள கொள்கை பக்கத்தில் வைத்து கொள்ளுங்கள்..உங்கள் முன்னாள் வளர்ப்பு மகனையும் கூட வரசொல்லி விடுங்கள்..எல்லாம் சரியாகி விடும்..உண்மையான தொண்டர்களுக்கு இனி என்ன வேலை இருக்கு..அவர்களுக்கு என்ன அதிகாரம் இருக்கு...எல்லாமே மன்னார்குடி கும்பலுக்கு மட்டும்தான்..அவர்களை வைத்து நீங்கள் கட்சியை வளர்க்க வாழ்த்துக்கள்.....

ஆனால் இதுதான் உண்மை என்பது எல்லா அ.தி.மு.க காரனுக்கும் தெரியும் ........

பகைமை பாராட்டாத தலைவர் கலைஞர்

முன்பெல்லாம்-ஏன் இப்போதும் கூட- சித்தூரார் என்றால், அது சித்தூர் சுப்பிரமணியப் பிள்ளை யைத் தான் குறிக்கும். முசிறியார் என்றால் முசிறி சுப்பிரமணிய அய்யரைக் குறிக்கும். திருவாடுதுறையார் என்றால் திருவாடுதுறை ராஜரத்தினத்தைக் குறிக்கும். திருவெண்காட்டார் என்றால் திருவெண்காடு சுப்பிரமணிய பிள்ளையைக் குறிக்கும். அதைப் போலவே திராவிட முன்னேற்றக் கழகத்தில் சேடப்பட்டியார்’’ என்றால், அது தம்பி முத்தையாவைக் குறிக்கும். (பலத்த கைதட்டல்) யாரும் முழுப் பெயரையும் ஊரோடு இணைந்த பெயரை உச்சரிப்பதில்லை, சேடப்பட்டி என்று தான் சொல்வார்கள்.

என்னிடத்திலே அவர் வேறு இடத்திலே இருந்து- நம்மை வசை பாடுகிறார் என்ற செய்தியை என்னிடத்திலே சொல்லுகின்ற தோழர்கள் கூட யார் அப்படி பேசியது என்று நான் கேட்டால், சேடபட்டி’’ தான் அப்படிப்பேசினார் என்று அவ்வளவு மரியாதையாகத் தான் சொல்வார்களே தவிர, முத்தையா என்று முழுப் பெயரையும் யாரும் சொன்ன தில்லை. அதனால் தான் எனக்குக் கூட திடீரென்று சேடபட்டி முத்தையா என்று சொன்னால், இவர் வேறு யாரோ ஒருவர் என்று கருதுகின்ற அளவிற்கு நிலைமை இருந்தது. ஆனால் தம்பி ஸ்டாலின் என்னிடத்திலே சேடபட்டி முத்தையா கூட தி.மு. கழகத்திலே சேருவதற்குத் தயாராக இருக்கிறார், சேருகிற நாளைச் சொல்லுங்கள், வசதியான நாளைச் சொல்லுங்கள் என்று கேட்ட போது, இது எப்படி நடந்தது என்று கேட்டேன். அவர் சொன்னார், அவர் மனதைத் திருத்தியது, அவருடைய மகன் மணிமாறன் என்று என்னிடத்திலே (கைதட்டல்) தம்பி ஸ்டாலின் சொன்னார். ஸ்டாலின் இளைஞர் அணி தொடங்கியதில் ஒரு லாபம் இருக்கிறது என்பதை நான் அப்போது தான் புரிந்து கொண்டேன்.

என்னுடைய கருத்தைக் கேட்காமலே கூட சேடபட்டியை திராவிட முன்னேற்றக் கழகத்தில் மீண்டும் இணைத்துக் கொள்ள ஸ்டாலினும், மணி மாறனும் கூட்டாகச் சதி செய்து- எனக்குத் தெரியாமலே அவரை இங்கே கொண்டு வந்து இணைத்து விட்டார்கள். நாங்கள் பாதை தவறியவர்கள், திரும்பி வந்திருக்கிறோம், எங்களிடம் அன்பு காட்டுங்கள்’’ என்று மிகுந்த பணிவன்போடு, மிகுந்த உணர்ச்சியோடு இங்கே தம்பி சேடப்பட்டி பேசியதை நீங்கள் எல்லாம் கேட்டீர்கள்.

நான் சென்று திரும்பியவர்களிடம் எப்போதுமே பகை பாராட்டியதில்லை, இன்னும் சொல்லப் போனால் காணாமல் போன பிள்ளைகளைக் கண்டுபிடித்து விட்டால் (கைதட்டல்) அந்தப் பிள்ளையும் ஓடி வந்து அம்மா’’ என்று மடியில் விழும். தாயும் ஓடி வந்து கண்ணே, மணியே’’ என்று முத்தங்கள் கொடுத்து சீராட்டி பாராட்டுவாள். அப்படித் தான் காணாமல் போன பிள்ளையாக இருந்து மீண்டும் கழகத்திலே தங்களை அர்ப்பணித்துக் கொண்டு, கழகத்தின் பணிகளைச் செய்வதற்காக தன்னைத்தயார்படுத்திக் கொண்டு அதற்கேற்ற வகையிலே அந்த வட்டாரத்திலே உள்ள கழகத் தோழர்களின் பேரன்பைப்பெற்று இன்றையதினம் நம்முடைய இயக்கத்தின் சமுதாயப் புரட்சியாக, தொடர்ந்து நடைபெற்று வருகின்ற இத்தகைய திருமண முறையைக்கடைப்பிடித்து இன்று அவருடைய மகனுக்கு சுயமரியாதைத் திருமணத்தை இந்த மேடையிலே நடத்தி வைத்திருக்கிறார்.

சுயமரியாதை என்பது ஒரு இயக்கம்-நான் இரண்டு நாட்களுக்கு முன்பு டெல்லியிலே பெரியார் பெயரால் அமைந்துள்ள மய்யத்தைத் திறந்து வைத்தேன். பெரியார் மய்யம் திறக்கப்பட்ட போது நான் சொன்னேன்- மய்யம் கொள்வதென்பது புயலுக்குத் தான் சொல்வார்கள்-பெரியார் மய்யம் கொண்டிருக்கிறார், டெல்லியிலும் மய்யம் கொண்டு விட்டார் என்று குறிப்பிட்டுச் சொன்னேன்.

மய்யம் கொண்ட புயல், அதோடு நின்று விடாது. பக்கத்திலே உள்ள பிரதேசங்களிலும் வீசும். பக்கத்திலே உள்ள பகுதிகளிலும் அதனுடைய தாக்கம் இருக்கும். அதைப் போல டெல்லியிலே மய்யம் கொண்ட பெரியார் மய்யத்தின் வேகம் பக்கத்து மாநிலங்களில், ஏன் அகில இந்தியாவிலே நிச்சயமாக வீசும், அந்தத் தாக்கம் இருக்கும், அந்தப் பாதிப்பு இருக்கும்.

பாதிப்பு என்பது பலன் தருகின்ற பாதிப்பாக- பகுத்தறிவுக்கு மேலும் மேலும் வலுவூட்டுகின்ற பாதிப்பாகத் தான் இருக்கும் என்ற கருத்தில் நான் இதைச் சொன்னேன். அதைப் போல தமிழகத்தில், தந்தை பெரியாரின் கொள்கைகள், சுயமரியாதை இயக்கத்தின் பெயரால், தன் மான இயக்கத்தின் பெயரால், இனத்தின் பெயரால், இன உணர்வின் பெயரால் எந்த அளவிற்கு இன்றைக்கு ஆரியம் ஆதிக்கம் பெற்றிருக்கின்றன என்பதை நீங்கள் எல்லாம் மிக நன்றாக அறிவீர்கள். அதைத் தான் இங்கே தம்பி சேடபட்டி பேசும்போது சொன்னார். தான் போன இடத்திலிருந்து-பாதை தவறி விட்டோம் என்று உணர்ந்த போது பாழும் கிணற்றிலே விழ நேரிட்டது என்று குறிப்பிட்டார்.

பாழும் கிணறோ, நல்ல கிணறோ அதைப்பற்றிக் கவலை இல்லை. இன்றைக்கு கிணற்றிலேயிருந்து தம்பி சேடபட்டி! உன்னை மீட்டு விட்டோம், நீ எங்களுடைய கரங்களிலே பத்திரமாக இருக்கிறாய் என்பதை எடுத்துச் சொல்லி-இந்தப் பகுத்தறிவு பாசறையில், சமதர்மப் பூங்காவில் தந்தை பெரியார் அன்றைக்கு விதைத்த விதை-பேரறிஞர் அண்ணா பரப்பிய மணம் - இவைகள் எல்லாம் கெடாமல் தொடர்ந்து காப்பாற்றுகின்ற சமுதாயப் பணியிலே ஈடுபட்டிருக்கின்ற இந்த இயக்கத்தில்-நீயும் எல்லா தம்பிமார்களைப் போல- ஒரு தம்பியாக இருந்து திராவிட இயக்கத்தைக் கட்டிக்காப்பாற்ற வேண்டு மென்று நான் கேட்டுக் கொள்கிறேன்.

அப்படிக் காப்பாற்றுகின்ற அந்தப் பொறுப்பும்-அந்த நிலையும்-நிச்சயமாக நம்முடைய சேடபட்டி முத்தையா அவர்களுக்கு உண்டு (கைதட்டல்) என்பதை நிரூபிக்கின்ற வகையிலே தான் அவரே சொன்னார்- திருமங்கலத்திலே நடைபெற்ற தேர்தலிலே எல்லா ஒன்றியங்களையும் விட தன்னுடைய மகன் மணிமாறன் ஒன்றியச் செயலாளராக இருந்து பணியாற்றிய அந்தப் பகுதியிலே தான் அதிக வாக்குகள் நமக்குக் கிடைத்தன என்று சொன்னார்.

இப்போது தான் எனக்குப் புரிகிறது-மணி,’’ மணி,’’ அதனால் இவர்கள் ஜெயித்தார்கள் என்று சில எதிர்க்கட்சிக்காரர்கள் சொன்னார்களே, இந்த மணி’’யினால் தான் நாம் ஜெயித்திருக்கிறோம் (பலத்த கைதட்டல்) என்பது எனக்குப் புரிகிறது. அப்படிப்பட்ட திறமையான ஒரு குடும்பம்- பகுத்தறிவு இயக்கத்திலே அறிவு வளமையான ஒரு குடும்பம். இடையிலே ஏற்பட்ட சில மனக்கசப்புகள்-உள்ளூரால் ஏற்பட்ட சில கொந்தளிப்புகள்- அல்லது நண்பர்களிடம் ஏற்பட்ட சில கசப்புகள்- அதன் காரணமாக பலர் நம்மிடமிருந்து பிரிய நேரிட்டிருக்கிறது. அப்படிப் பிரிந்தவர்கள் எல்லாம் இன்றைக்கு திராவிடர் சமுதாயத்தைக் கட்டிக் காக்கக் கூடிய ஒரேயொரு இயக்கம் திராவிட முன்னேற்றக்கழகம் தான் என்பதை உணர்ந்து-இங்கே வந்து கொண் டிருக்கிறார்கள். அவர்களையெல்லாம் வருக வருக என்று நான் வரவேற்றிருக்கிறேன். அதைப்போல அந்தக் குடும்பத்தில் இன்றைக்கு நடைபெறுகின்ற இந்த இனிய மணவிழாவில் மணமக்களாம் மணிமாறன் அவர்களையும் அன்புச் செல்வி பாரதியையும் வாழ் வாங்கு வாழ வாழ்த்தினார்.

இன்று சென்னையில் தி.மு.க. தேர்தல் பணி செயலாளர் சேடப்பட்டி முத்தையா மகன் திருமணத்தை இன்று முதல்- அமைச்சர் கருணாநிதி நடத்தி வைத்து முதல்வர் பேசினார்.

மனித நேயமே நீதான் மு க ஸ்டாலினோ?

காய்ச்சலுக்கு உட்கொண்ட மாத்திரையால் பார்வையிழந்த மாணவி சுரேகாவின் நிலைமையை நாளிதழ் செய்திகளின் வாயிலாக அறிந்த துணை முதல்வர் ஸ்டாலின், மாணவிக்கு தேவையான அனைத்து சிகிச்சைகளும் கிடைக்க ஏற்பாடுகள் செய்தார்.

சுரேகாவுக்கு ஐதராபாத்தில் உள்ள பாஸ்டோன் மருத்துவமனையில் லென்ஸ் பொருத்தப்பட இருப்பதால், அங்கு செல்வதற்கு முன், தனக்கு உதவிக்கரம் நீட்டிய துணை முதல்வரை நேரில் சந்தித்து நன்றி தெரிவிக்க விரும்பினார். இதையறிந்த ஸ்டாலின், நேற்று மாலை 5 மணியளவில் மாணவி சுரேகா, அவரது பெற்றோர் தேவேந்திரன், கலாவதி, சகோதரர் நவீன்குமார் ஆகியோரை சந்தித்தார்.

மாணவியின் உடல்நலன், அவருக்கு இதுவரை அளிக்கப்பட்ட சிகிச்சை ஆகியவற்றை கேட்டறிந்த துணை முதல்வர், மேற்கொண்டு நடைபெறவுள்ள சிகிச்சைகள் நல்ல முறையில் நடைபெறும் என நம்பிக்கையும், வாழ்த்துக்களும் தெரிவித்துக் கொண்டார். சுரேகாவும், குடும்பத்தினரும் ஐதராபாத் செல்வதற்காக 10 ஆயிரம் ரூபாய் வழங்கிய துணை முதல்வர், மாணவிக்கு பார்வை கிடைப்பதற்கான அனைத்து செலவுகளையும் தானே ஏற்பதாகத் தெரிவித்து, வழியனுப்பி வைத்தார்.


விழிகொடுத்து உலக மக்களின் இதயத்தில் நீங்க இடம்பிடித்த வருங்கால தமிழகத்தை வழிநடத்தி செல்ல இருக்கும் துணை முதல்வரே நீர் பல்லாண்டு வாழ்க!

பென்னாகரம்: டெபாசிட் இழந்ததை மறைக்க புது நாடகம்

நடிப்பு தாரகை ஜெயலலிதாவுக்கு அறிக்கை எழுதி கொடுக்கும் அடிமைகளுக்கு தான் என்ன எழுதுகிறோம் என்று கூட தெரியாமல் ஜெ கொடுக்கும் கூலிக்கு எல்லாம் தப்பும் தவறாகவும் எழுதி கொடுத்து அதை வாசிக்கும் அம்மையாருக்கும் தாம் பேசுவது சரியானதானா என்று அறியும் பகுத்தறிவு கூட இல்லாமல் பேசி ஒவ்வொரு முறையும் தமிழக முதல்வர் கலைஞரிடம் வாங்கி கட்டிகொள்வது இயல்பே. அந்தவரிசையில் புதிய அறிக்கை விட்ட அறிக்கை நாயகிக்கு அருமையான பதில் முதல்வரிடம் இருந்து.....

பென்னாகரம் தொகுதி சட்டமன்ற இடைத் தேர்தல் பிரச்சாரத்திற்காக அ.தி.மு.க. வேட்பாளரை ஆதரித்துப் பிரச்சாரம் செய்ய எதிர்க்கட்சித் தலைவி ஜெயலலிதா விமானத்தில் பறந்து சென்று இரண்டு நாள் சூறாவளிப்பயணம் நடத்தி கடைசியாக காரிலேயே சென்னை திரும்பியதைத் தொடர்ந்து-ஏடுகள் எல்லாம் இரண்டாம் இடம் யாருக்கு என்று பெரிய அளவில் செய்தி வெளியிட்டு-வாக்கு எண்ணிக்கைக்குப் பிறகு அ.தி.மு.க. மூன்றாவது இடத்திற்குத் தள்ளப்பட்டு- டெபாசிட் தொகையையும் இழந்து நிற்கின்ற நிலையில்- அந்தத் தோல்வியை மறைக்க வேறு எந்த வழியும் தெரியாமல் மின்வாரியத்தின் மீது சேறு வாரி இறைக்கும் முயற்சியில் அம்மையார் ஜெயலலிதா ஈடுபட்டு அறிக்கை விடுத் துள்ளார். அவரது குற்றச்சாட்டு கற்பனையானது- உண்மைக்கும் அதற்கும் எந்தவித மான சம்பந்தமும் இல்லை என்பதை நான் விளக்கிட விரும்புகிறேன்.

அவரே சொல்லியிருப்பது போல் - நம்பகமான இடத்திலிருந்து கிடைத்த தகவல் என்பதிலிருந்தே அது இட்டுக்கட்டிய தகவல் என்பதை அனைவரும் புரிந்து கொள்ள முடியும். ஆண்டுதோறும் கூடுதல் விலைக்கு தமிழ்நாடு மின்சார வாரியம் நிலக்கரியை இறக்குமதி செய்வதன் மூலம் ஏற்படுகின்ற இழப்பு ஆயிரம் கோடி ரூபாய் என்று ஜெயலலிதா தனது அறிக்கையில் குறிப்பிட் டுள்ளார். 2009-2010ஆம் ஆண்டில் தமிழ்நாடு மின்சார வாரியத்தால் இறக்குமதி செய்யப்பட்ட நிலக்கரியின் மொத்த விலையே சுமார் 1000 கோடி ரூபாய் தான். 1000 கோடி ரூபாய்க்கு நிலக்கரி வாங்கிய நிலையில், அதிலே ஆயிரம் கோடி ரூபாய் இழப்பு என்று அறிக்கை விட ஜெயலலிதா ஒருவரால் தான் முடியும்.

அடுத்து ஜெயலலிதா தனது அறிக்கையில் ஆறு மில்லியன் டன் அளவுக்கும் மேலான, குறைந்த வெப்பத்திறன் கொண்ட நிலக்கரி, ஒருடன் 120 அமெரிக்க டாலர் என்ற வீதத்தில் இந்தோனேசியாவிலிருந்து தமிழ்நாடு மின்சார வாரியத் தால் ஆண்டுதோறும் இறக்கு மதி செய்யப்படுகிறது என்று சொல்லி யிருக்கிறார். தமிழ்நாடு மின்சார வாரியத்தினால் இறக்குமதி செய்யப்பட்ட நிலக்கரியின் சராசரி விலை ஒரு டன்னிற்கு 90 முதல் 95 டாலர்கள் மட்டுமே. ஆனால் ஒரு டன் 120 டாலர்கள் என்று ஜெயலலிதா அறிக்கையிலே சொல்லியிருக்கிறார்.

தமிழகத்தின் தற்போதைய மின் நிலையங்களின் உற்பத்திக்கான - தேவையான சுமார் 15 மில்லியன் டன் நிலக்கரியில் - 13 மில்லியன் டன் நிலக்கரி மட்டுமே மத்திய அரசாங்கத்திற்கு உட்பட்ட நிலக்கரி நிறுவனத்தின் மூலமாக கிடைக்கப்பெற்று வருகிறது. மீதமுள்ள சுமார் 2 மில்லியன் டன் நிலக்கரியை மட்டுமே தமிழ்நாடு மின்சார வாரியம் இறக்குமதி செய்துள்ளது. அந்த நிலக்கரியும் கூட - மத்திய அரசின் நிறுவனமான எம்.எம்.டி.சி. மூலமா கத்தான் இறக்குமதி செய்யப்பட்டு வருகிறது.

ஆனால் எதிர்க்கட்சித் தலைவர் ஜெயலலிதா தனது அறிக்கையில் ஆறு மில்லியன் டன் நிலக்கரியை தமிழ்நாடு மின்சார வாரியம் இறக்குமதி செய்துள்ளது என்று சொல்வது அவருக்குக் கிடைத்தது நம்பகமான தகவல் அல்ல - யாரோ வேண்டுமென்றே அவரை ஏப்ரல் 1ஆம் தேதி என்பதை நினைவிலே கொண்டு-கேலி செய்வதற்காகக் கொடுத்த தகவல் என்பதைப் புரிந்து கொள்ளலாம்.

ஜெயலலிதா தனது அறிக்கையில் ஸ்டார் எம்சன்ஸ் ரிசோர்ஸ் என்ற நிறுவனத்திற்குச் சொந்தமான நிலக்கரி சுரங்கத்திலிருந்து தான் பெரும்பாலான நிலக்கரியை தமிழ்நாடு மின்சார வாரியம் இறக்குமதி செய்கிறது என்றும், இந்த நிறுவனம் தலைமைச் செயலகத்தை கட்டுகின்ற நிறுவனத்திற்கு வேண்டிய நிறுவனம் என்றும் எழுதியிருக்கிறார். இதுவும் முற்றிலும் தவறான தகவல். ஸ்டார் எம்சன்ஸ் ரிசோர்ஸ் நிறுவனத்திற்கும் தமிழ்நாடு மின்சார வாரியத்திற்கும் எந்தவிதமான சம்மந்தமும் இல்லை. மத்திய அரசின் நிறுவனமான எம்.எம். டி.சி. மூலமாகத்தான் தமிழ்நாடு மின்சார வாரியம் நிலக்கரியைப் பெறுகிறது. தலைமைச் செயலகக் கட்டிடப் பணியும் உலகளாவிய ஒப்பந்தப்புள்ளி கோரப்பட்டு முறைப்படி தான் அளிக்கட்டுள்ளது. எனவே கனவுலகத்திலிருந்து அம்மையார் ஜெயலலிதா மீண்டு வருவது நல்லது.

மேலும் ஜெயலலிதா தனது அறிக்கையிலே மின் உற்பத்திக்காக தரமற்ற நிலக்கரி இறக்குமதி செய்யப்பட்டது என்று சொல்லியிருப்பதும் தவறான தகவல் தான். உண்மை என்னவென்றால், எந்தவொரு மாநிலத்தின் மின்சார வாரியமும் தன்னு டைய மின் உற்பத்தித் தேவைக்கான நிலக்கரியில் 70 சதவிகிதத்தை மட்டுமே மத்திய நிலக்கரி அமைச்சகத்திடமிருந்து பெற முடியும். மீதம் உள்ள 30 சதவிகித நிலக்கரியை அந்த வாரியங்கள் வெளிநாடுகளிலிருந்து இறக்குமதி செய்து கொள்ள வேண்டிய நிலை தான் உள்ளது. இந்தக் கொள்முதல் முறை 2005ஆம் ஆண்டு இதே ஜெயலலிதா ஆட்சியிலே இருந்த காலத்திலிருந்தே நடைபெற்று வரும் முறை தான். அதிலே எந்தவித மாற்றமும் இன்றி இப்போதும் செய்யப்பட்டு வருகிறது என்பது தான் உண்மை.

அடுத்து ஜெயலலிதா தனது அறிக்கையில் தரமற்ற நிலக்கரியை இறக்கு மதி செய்து விட்டதாக ஒரு குற்றச்சாட்டைச் சொல்லி யிருக்கிறார். இறக்குமதி செய்யப்படும் நிலக்கரியின் தன்மையைப் பொறுத்த வரையில் மத்திய அரசாங் கத்தின் மத்திய மூலம் நிர்ண யிக்கப்பட்ட அளவான 6000 ஜிசிவி வெப்பத்திறன் இருக்க வேண்டும். ஆனால் தமிழ்நாடு மின்சார வாரியம் இறக்கு மதி செய்யும் நிலக்கரியின் வெப்பத்திறன் 6000 ஜிசிவி முதல் 6300 ஜிசிவி வரை உள்ளது. எனவே ஜெயலலிதாவின் இந்தத் தகவலும் நம்பகரமானதல்ல- தவறான ஒன்றாகும்.

மேலும் ஜெயலலிதா தனது அறிக்கையில் மின் பற்றாக்குறை பற்றியெல்லாம் எழுதியிருக்கிறார். அதற்கெல்லாம் முழு முதல் காரணம் ஜெயலலிதா தனது ஆட்சிக் காலத்தில் தமிழகத்தில் மின் தேவையைப் பூர்த்தி செய்யும் நோக்கத்தோடு புதிய மின் திட்டங்களைக் கொண்டு வராதது தான். அதையெல்லாம் மறைத்து விட்டு - பென்னாகரம் தொகுதி இடைத்தேர்தலில் தனக்கு ஏற்பட்ட டெபாசிட் இழப்பை சரிக்கட்டுவதற்காக இத்தகைய கற்பனையான அறிக்கை ஒன்றினை வெளியிட்டுள்ளார்.

பென்னாகரம் தொகுதியில்-பா.ம.க.வுடன் சேர்ந்து தேர்தலில் போட்டியிடுவதற்காக அ.தி.மு.க. வினர் எந்த அளவிற்கு முயன்றார்கள், பா.ம.க. வின் தலைவர் ஜி.கே. மணியுடன் யார் யார் அ.தி.மு.க. தரப்பிலேயிருந்து தொலை பேசியிலே தொடர்பு கொண்டு பேசி போயஸ் தோட்டத்திற்கு வருமாறு அழைத்தார்கள் என்பதையெல்லாம் இன்று ஜி.கே. மணியே வெளிப்படையாக தெரிவித்து அந்தச் செய்தியும் ஏடுகளிலே வெளி வந்திருக்கின்றது. இதற்கெல்லாம் பதில் கூற வேண்டிய நெருக்கடியிலே உள்ள ஜெயலலிதா ஏதோ நம்பகமாக கிடைத்த தகவல் என்றெல்லாம் கூறி அறிக்கை விடுவதால் நிலக்கரியின் தரம் குறைந்து விடவில்லை-அவரது தரம் தான் வேகமாகக் குறைந்து வருகிறது என்பதைத் தான் காட்டுகின்றது.

இவ்வாறு முதல்-அமைச்சர் கூறியுள்ளார்.


கொடநாடு ராணியிடம் இருந்து என்ன பதில் வருகிறது என்பதை பொறுத்திருந்து பார்ப்போம்........

ஆடு நனைகிறது என்று ஓநாய் அழுததாம்! - ஜெயலலிதா

ஆடு நனைகிறது என்று ஓநாய் அழுததாம்..... வர வர ஜெயலலிதாவுக்கு ரெம்ப காமெடி வருகிறது. நேற்று பென்னாகரத்தில் நடைபெற்ற தேர்தல் பிரசாரத்தின் போது சில காமெடி முத்துகளை சிதறவிட்டு சென்றுள்ளார்.

பென்னாகரம் தொகுதிக்கு உட்பட்ட குரும்பட்டியில் அ.தி.மு.க., வேட்பாளர் அன்பழகனை ஆதரித்து, டெம்போ டிராவலர் வேனில் அமர்ந்தபடி ஜெயலலிதா பேசியதாவது: ஒகேனக்கல் கூட்டுக் குடிநீர் திட்டம் அறிவிக்கப்பட்டு, பல ஆண்டுகளாக துவங்கப்படவில்லை.

இதற்கு பதிலடி கொடுக்கும் விதமாக துணை முதல்வர் மு க ஸ்டாலின் அவர்கள் தர்மபுரி கிருஷ்ணகிரி மாவட்டங்களில் உள்ள குடிநீர் பிரச்சினையை தீர்க்க ஒகேனக்கல் கூட்டுக்குடிநீர் திட்டம் நிறைவேற்றப்படும் என்று முதல்வர் கலைஞர் அறிவித்தார். அதன்படி, அந்த திட்டத்திற்கு தேவையான நிதி உதவியை பெறுவதற்காக நான் ஜப்பான் சென்றிருந்தேன். அங்குள்ள வங்கி அதிகாரிகளிடம் தர்மபுரி, கிருஷ்ணகிரி மாவட்ட மக்களின் குடிநீர் பிரச்சினையை எடுத்துக்கூறினேன்.

அப்போது நமது கோரிக்கையை ஏற்றுக்கொண்டு ஜப்பான் நாட்டு வங்கி அதிகாரிகள் தர்மபுரி கிருஷ்ணகிரி மாவட்டங்களுக்கு வந்து பார்வையிட்டனர். இதையடுத்து நிதிஉதவி அளிக்கவும் ஒப்புக்கொண்டனர். தொடக்கத்தில் இந்த திட்டத்திற்கு ரூ.1,339 கோடி நிதி ஒதுக்கப்பட்டது. அதன்பிறகு திருத்திய மதிப்பீடாக ரூ.1938 கோடி நிதி ஒதுக்கப்பட்டது.

இதைத்தொடர்து தர்மபுரியில் நடந்த விழாவில் ஒகேனக்கல் கூட்டுக்குடிநீர் திட்டத்திற்கு முதல்வர் கலைஞர் அடிக்கல் நாட்டினார். அப்போது இருந்து பணிகள் தொடங்கி நடந்து வருகின்றன. மடம் என்ற கிராமத்தில் இந்த திட்டத்திற்காக பிரமாண்டமான சமநிலை நீர்த்தேக்கத்தொட்டி கட்டப்பட்டு வருகிறது. அங்கு நடைபெறும் பணிகளை நானே தொடங்கி வைத்தேன்.

இந்நிலையில் ஒகேனக்கல் கூட்டுக்குடிநீர் திட்டப்பணிகள் தொடங்கப்படவில்லை என்று ஜெயலலிதா அம்மையார் பொய் பிரசாரம் செய்து வருகிறார். மடம் என்ற கிராமத்தில் நடக்கும் பணிகளை அவர் வந்து நேரில் பார்க்க தயாரா? அதற்கான நாள், நேரத்தை அவரே குறிக்கட்டும். நானும் வருகிறேன். அதைவிடுத்து தேர்தலுக்காக, அரசியலுக்காக தவறான செய்தியை சொல்லி உங்கள் தராதரத்தை மேலும் குறைத்துக்கொள்ள வேண்டாம் என்று கேட்டுக்கொள்கிறேன் என்றார்.

சோம்பட்டி என்ற கிராமத்தில் பேசிய துணை முதல்வர் மு.க.ஸ்டாலின் பேசும்போது, ஒகேனக்கல் கூட்டுக்குடிநீர் திட்டப்பணிகள் நடைபெறவில்லை என்று கூறுபவர்கள் அதை நிரூபித்தால் நான் அரசியலைவிட்டு விலக தயாராக இருக்கிறேன். அந்த திட்டப்பணிகள் நடப்பது உண்மையானால் அதுபற்றி குறை சொல்பவர்கள் அரசியலைவிட்டு விலக தயாரா? என்று கேட்டார்.

இதற்கான பதிலை ஜெயலலிதாவிடம் இருந்து இன்னும் காணோம். அறிக்கை எழுதி கொடுக்கும் அடிமைகள் விடுமுறையில் சென்றுவிட்டனரோ என்னவோ?

இதில் வேறு பென்னாகரத்தை, 'பொன்' விளையும் நகரமாக மாற்றுவோம் என்று அறிக்கை அறிக்கைநாயகியிடம் இருந்து. தேர்ந்து எடுக்கப் போகும் பென்னாகர சட்டமன்ற உறுப்பினரின் பதவிக் காலம் வெறும் பதினான்கு மாதம்தான். அ. தி.மு.க. வேட்பாளருக்கு ஒட்டு அளித்தால் இந்த குறுகிய காலத்திற்குள் பெண்ணாகரத்தை பொன் விளையும் பூமியாக மாற்றுவோம் என்கிறார் அதன் தலைவர். இப்பொழுது அவர் உறுப்பினராக இருக்கும் தொகுதியில் பொன் விளைகிறதா என்ன? இவரின் சட்ட மன்ற உறுப்பினர்களின் தொகுதிகளில் எல்லாம் பொன் விளைந்துக் கொண்டு இருக்கிறதா?. இவர் இந்த மாநிலத்தின் முதல் அமைச்சராக பத்து ஆண்டுகாலம் இருந்தார். அந்த காலத்தில் எங்கும் பொன் விளைந்ததாக நான் கேள்விப் படவில்லை.

பென்னகர மக்களே இந்தமாதிரி பேச்சைக் கேட்டு ஏமார்ந்து போகதிர்கள். பொன் விளையும் பூமியாக மாற்றுவேன் என்று சொன்னது எதுகைக்காகத்தான். அதை உண்மை என்று எடுத்துக் கொள்ளாதிர்கள். காவிரி உங்கள் ஊருக்குப் பக்கத்தில் ஓடினாலும் இவர் ஆட்சியில் உங்களுடைய குடிநீர் பிரச்னையை தீர்க்கவில்லை. இவர் ஆட்சி காலம் தமிழ்நாட்டின் இருண்ட காலம். அந்த காலத்தில் எந்த பெரிய தொழிச்சாளைகளும் துவங்கப்பட்டதாக எனக்குத் தெரியவில்லை.

ஏன் தமிழ்நாட்டை கொள்ளை அடித்து மொட்டையடித்து போதாதா இன்னும் சுரண்ட வேண்டுமா? உன் ஆட்சியில் எலிக்கறி சாப்பிட்ட மக்கள் வயிறார உணவு சாப்புடுவது பிடிக்கவில்லியா? நீ சொல்லிட்டு சசிகலாவோடு சென்று விடுவாய் உன்னை யார் கேள்வி கேட்பது? அதான் ஆண்டிபட்டி பார்த்தா தெரியவில்லையா ஒரு நன்றி கூட சொல்ல போகாத உன் யோகிதைதை என்ன சொல்லுவது.

கொடநாடு ராணிக்கு மக்களை பற்றி என்ன தெரியும்? சும்மா சவுடால் விட கூடாது. சாத்தான்குளத்தை தேவன் குளமாக மாற்றுவேன் !!! ஆண்டிபட்டியை அரசன்பட்டியாக மாற்றுவேன் !!! நடந்தது என்ன ? ? ?